19.-26.07.2009 - Jökulsárgljúfur,
ganga með félögum í DÍF
Rétt eins og undanfarin ár þá fór hópur fólks sem á
íslenska fjárhunda saman í göngu en að þessu sinni var ferðinni
heitið í Jökulsárgljúfur og var gist allan tímann í Vesturdal,
nálægt Ásbyrgi. Alls voru 16 hundar í göngunni ásamt eigendum
sínum en ég tók 3 með mér, Sunnusteins Fiðlu, Sunnuteins Sunnu
Rögg og Sunnusteins Brellu.
Hópurinn hittist í
Vesturdal 19. júlí en ég komst ekki fyrr en 2 dögum seinna og
sleppti fyrstu tveimur göngunum. Mánudaginn 20. júlí var gengið
frá Ásbyrgi yfir í Vesturdal, um 16 km leið og þriðjudaginn 21.
júlí var gengið í Ásbyrgi, á Eyjuna og svokallaðan Botnshring.
|