Sunnusteins Íslenskur fjárhundur

22.-27. júlí 2008 Ganga í Kerlingarfjöllum með félögum úr DÍF
Rétt eins og undanfarin ár þá fór hópur fólks sem á íslenska fjárhunda saman í göngu en í ár var gengið í Kerlingarfjöllum og gist allan tímann í Ásgarði. Metþátttaka var í göngunni í ár, 26 hundar ásamt eigendum! Ég tók 3 tíkur með mér, Kersins Kötlu og dætur hennar tvær, Sunnusteins Sunnu Rögg og sunnusteins Surtlu.

Miðvikudagur 23. júlí - Jökulkrókur
15 km ganga í Jökulkrók í jökulkrók. Það var frekar lágskýjað og strekkingsvindur og því ekki mikið myndaveður.....

Smellið á myndina til að sjá hana stærri!

Fimmtudagur 24. júlí - Kerlingargljúfur
Keyrt var jeppaslóða um 25 km (=1,5 klst) suður úr Kerlingarfjöllum að sæluhúsinu í Leppistungum þar sem gangan hófst. Kerlingargljúfur eru dýpst um 200 m en gljúfrin eru mjög þröng á köflum, allt niður í um 1,5 m á breidd og kolamyrkur niðri.

Föstudagur 25. júlí - Fannborg og Snækollur
Þetta var nokkuð krefjandi fjallganga í frábæru veðri og góðu skyggni. Fyrst var gengið á Fannborg (1448 m) og þaðan á Snækoll (1488 m). Einstaklega gott útsýni er á leiðinni en af Snækoll er hægt að sjá til sjávar bæði til suðurs og norðurs!

Laugardagur 25. júlí - Efri- og Neðri- Hveradalir
Hér var vindurinn aftur farinn að næða en dagurinn bjartur og litirnir í Hveradölum ótrúlegir!